Leikið um Ólympíusæti á mánudag
U15 landslið karla leikur um þessar mundir í forkeppni Ólympíuleika ungmenna og er leikið í Sviss. Fjögur lið taka þátt í þessum riðli og er leikið með útsláttarfyrirkomulagi. Ísland vann 2-0 sigur á Finnum í undanúrslitum fyrr í dag og í síðari undanúrslitaleiknum vann Moldavía 3-0 sigur á Armeníu. Þetta þýðir að í úrslitaleiknum mætast Ísland og Moldavía og fer leikurinn fram á mánudag kl. 13:00 að íslenskum tíma. Sigurvegarinn tekur þátt í Ólympíuleikum ungmenna, sem fram fara í Nanjing í Kína á næsta ári.
.jpg?proc=760)
.jpg?proc=760)
