U21 karla - Naumt tap gegn Frökkum
Strákarnir í U21 töpuðu gegn Frökkum í kvöld í undankeppni EM en leikið var á Laugardalsvelli. Lokatölur, í miklum markaleik, urðu 3 - 4 fyrir Frakka eftir að staðan hafði verið 1 - 1 í leikhléi.
Það voru Íslendingar sem komust yfir á 9. mínútu þegar fyrirliðinn Sverrir Ingi Ingason skoraði með skalla eftir aukaspyrnu. Gestirnir jöfnuðu metin á 41. mínútu og þeir voru aftur á ferðinni á 57. mínútu þegar þeir skoruðu sjálfsmark eftir mikinn atgang í eigin vítateig. Það var svo tíu mínútum síðar sem Frakkar jöfnuðu metin og aðeins tveimur mínútum síðar komust þeir yfir eftir snögga sókn. Okkar menn lögðu þó ekki árar í bát og fengu vítaspyrnu á 76. mínútu sem Hólmbert Aron Friðjónsson skoraði úr. Lokaorðið áttu hinsvegar gestirnir með marki úr vítaspyrnu, aðeins 7 mínútum fyrir leikslok.
Mjög fjörugur leikur sem boðið var upp á í Laugardalnum í kvöld og hafði íslenska liðið algjörlega í fullu tréi við franska liðið. Næsti leikur íslenska liðsins er gegn Kasakstan á útivelli, 5. mars.
.jpg?proc=760)
.jpg?proc=760)
