U21 karla - Ísland mætir Frökkum í kvöld
Íslendingar mæta Frökkum í kvöld, mánudaginn 14. október, í undankeppni EM og fer leikurinn fram á Laugardalsvelli kl. 18:30. Hér er um sannkallaðan stórleik að ræða en þarna eigast við tvö lið sem hafa fullt hús stiga til þessa í undankeppninni.
Strákarnir þurfa svo sannarlega á góðum stuðning að halda í þessu stóra verkefni en franska liðið er talið eitt það mest spennandi í Evrópu í dag. Íslenska liðið er hinsvegar reiðubúið að selja sig dýrt og með góðum stuðningi er allt hægt á Laugardalsvellinum.
Miðasala er í gegnum miðasölukerfi hjá www.midi.is en einnig er hægt að kaupa miða á Laugardalsvelli frá kl. 17:00. Miðaverð er 1.500 krónur fyrir fullorðna en frítt er inn fyrir 16 ára og yngri.
Mætum á völlinn - Áfram Ísland!
.jpg?proc=760)
.jpg?proc=760)
