U19 karla - Tap gegn Belgum
Strákarnir í U19 biðu lægri hlut gegn Belgum í dag í undankeppni EM. Leikið er einmitt í Belgíu og höfðu heimamenn betur, 2 - 0, eftir að hafa leitt með einu marki í leikhléi.
Heimamenn komust yfir strax á 9. mínútu og leiddu þannig í leikhléi. Þeir bættu svo við marki eftir 8 mínútna leik og héldu þeirri forystu út leikinn þrátt fyrir ágætar tilraunir íslensku strákanna til að breyta stöðunni.
Belgar hafa þar með tryggt sér sæti í milliriðlum en hinar þrjár þjóðirnar berjast um annað sætið í riðlinum. Frakkar og Norður Írar gerðu jafntefli í sínum leik í dag, 1 - 1, og hafa Frakkar því 2 stig en Ísland og Norður Írland eru með 1 stig. Ísland og Norður Írland mætast á þriðjudaginn og á sama tíma leika Belgar og Frakkar. Með íslenskum sigri og það að Frakkar leggi ekki Belga, er annað sætið Íslands.
.jpg?proc=760)
.jpg?proc=760)
