U19 kvenna - Byrjunarliðið gegn Frökkum
Ólafur Þór Guðbjörnsson, landsliðsþjálfari U19 kvenna, hefur tilkynnt byrjunarliðið sem mætir Frökkum í undankeppni EM en leikið er í Búlgaríu. Þetta er lokaleikur Íslands í riðlinum en gestgjafarnir voru lagðir í fyrsta leiknum, 5 – 0 og sama markatala var upp á teningnum þegar Slóvakar voru lagðir. Leikurinn hefst kl. 12:00 að íslenskum tíma og er minnt á textalýsingu á heimasíðu UEFA.
Byrjunarliðið:
Markvörður: Bryndís Rut Haraldsdóttir
Hægri bakvörður: Eyrún Eiðsdóttir
Vinstri bakvörður: María Selma Haseta
Miðverðir: Guðrún Karitas Sigurðardóttir og Ingunn Haraldsdóttir
Tengiliðir: Hildur Antonsdóttir, fyrirliði og Andrea Rán Hauksdóttir
Hægri kantur: Svava Rós Guðmundsdóttir
Vinstri kantur: Sandra María Jessen
Sóknartengiliður: Elína Metta Jensen
Framherji: Telma Hjaltalín Þrastardóttir
