U15 karla - Úrtaksæfingar um helgina í Kórnum
Úrtakshópur hefur verið valinn yfir æfingar hjá U15 karla og fara æfingarnar fram um komandi helgi í Kórnum. Þessar æfingar eru liður í undirbúningi fyrir undankeppni Ólympíuleika ungmenna en þar munu fjórar þjóðir, Ísland, Finnland, Armenía og Moldóva, keppa um eitt sæti. Ólympíuleikar ungmenna fara svo fram í Nanjing í Kína, dagana 16. - 28. ágúst 2014.
Valdir hafa verið 36 leikmenn á þessar úrtaksæfingar og verða þær undir stjórn Freys Sverrissonar.
