Norræn dómaraskipti - Íslenskir dómarar í Noregi og Svíþjóð
Íslenskir dómarar verða við störf í Noregi og Svíþjóð á næstu dögum en þetta er hluti af norrænum dómaraskiptum knattspyrnusambanda Norðurlandanna.
Sunnudaginn 8. september mun Vilhjálmur Alvar Þórarinsson dæma leik Strömmen og Ullensaker/Kisa í norsku 1. deildinni. Annar aðstoðardómara Vilhjálms í þessum leik verður Bryngeir Valdimarsson. Föstudaginn 13. september mun svo Valdimar Pálsson dæma leik GAIS og Värnamo í sænsku "Superettan" deildinni sem er næst efsta deild þar í landi. Með Valdimar í þessum leik verður Ásgeir Þór Ásgeirsson annar aðstoðardómara.