Frítt fyrir öryrkja og ellilífeyrisþega á Ísland - Albanía
KSÍ hefur ákveðið að bjóða öryrkjum og ellilífeyrisþegum ókeypis aðgang að hinum mikilvæga leik, Ísland – Albanía í undankeppni HM sem fram fer á Laugardalsvelli þriðjudaginn 10. september næstkomandi kl. 19:00.
Aðgöngumiðar verða afhentir á skrifstofu KSÍ, mánudaginn 9. september á milli kl. 10 og 16, gegn framvísun viðeigandi skírteina og er takmarkað magn af miðum í boði.
KSÍ vill hvetja fólk til að nýta tækifærið, koma á Laugardalsvöll, upplifa góða stemmningu og styðja við bakið á strákunum okkar í þessum mikilvæga leik.
Miðasala á leikinn er í gangi í gegnum miðasölukerfi hjá midi.is.
