Bikarúrslitaráðstefna laugardaginn 24. ágúst 2013
Í tengslum við úrslitaleikinn í Borgunarbikarkeppni kvenna mun Knattspyrnuþjálfarafélag Íslands í samstarfi við Knattspyrnusamband Íslands standa fyrir ráðstefnu. Úrslitaleikur Borgunarbikarkeppni kvenna fer fram laugardaginn 24. ágúst kl. 16:00 en þar mætast Breiðablik og Þór/KA. Ráðstefnan hefst kl. 12:00 og er öllum opin.
Frítt er fyrir félagsmenn KÞÍ en 1.500 krónur fyrir aðra. Miði á úrslitaleikinn og léttar veitingar eru innifaldar í verðinu. Skráning er hafin með tölvupósti á netfangið kthi@kthi.is eða dagur@ksi.is - taka þarf fram nafn og kennitölu. Greiðsla fer fram við innganginn.
Aðalfyrirlesari er Sigurður Ragnar Eyjólfsson en hann mun fjalla um þátttöku Íslands á EM 2013 í Svíþjóð, allt frá undirbúningi að lokaflauti í 8 liða úrslitum. Einnig mun Margrét Magnúsdóttir, þjálfari 4., 5. og 6. flokks kvenna hjá Val og nýútskrifaður íþróttafræðingur, fjalla um efni lokaverkefni síns þar sem hún gerði samanburð á hugrænni færni og árangri íslenskra knattspyrnukvenna á árunum 2007-2012.
Dagskrá, laugardaginn 24. ágúst:
12:00 Ávarp formanns KÞÍ - Sigurður Þórir Þorsteinsson
12:05 Ávarp formanns fræðslunefndar KSÍ - Ragnhildur Skúladóttir
12:10 Samanburður á hugrænni færni og árangri íslenskra knattspyrnukvenna á árunum 2007- 2012 - Margrét Magnúsdóttir
12:40 EM ævintýri Íslands - Sigurður Ragnar Eyjólfsson
13:40 Kaffihlé
14:00 Liðin í úrslitaleik kvenna - spáð í spilin
14:30 Þjálfari Breiðabliks
14:45 Þjálfari Þórs/KA
15:00 Ráðstefnuslit
Ráðstefnustjóri: Theodór Sveinjónsson
Þátttaka á ráðstefnunni gildir sem 4 tímar í endurmenntun KSÍ A (UEFA A) og KSÍ B (UEFA B) þjálfara.
.jpg?proc=760)
