Fjögur frábær mörk hjá U21
U21 landslið karla vann í dag, miðvikudag, frábæran 4-1 sigur á liði Hvít-Rússa í undankeppni EM 2015, enliðin mættust á Vodafone-vellinum að Hlíðarenda. Emil Atlason gerði sér lítið fyrir og skoraði þrennu - hefur nú skorað 6 mörk í 3 leikjum í keppninni. Ísland er efst í riðlinum með fullt hús stiga.
Leikurin byrjaði fjörlega og eftir aðeins 7 mínútna leik var Emil Atlason búinn að skora fyrsta markið. Tvö mörk með tveggja mínútna millibili komu Íslandi síðan í þægilega stöðu - fyrst skoraði Jón Daði Böðvarsson á 35. mínútu og Atli jók forystuna í þrjú mörk tveimur mínútum síðar. Gestirnir náðu að minnka muninn eftir um tíu mínútna leik í seinni hálfleik, en Emil gulltryggði sigurinn og og þrennuna á 71. mínútu.
Það er óhætt að segja að þessi byrjun íslenska liðsins sé framar vonum, en liðið er með fullt hús stiga eins og fyrr segir og trónir á toppi riðilsins. Næsti leikur er heimaleikur gegn Kasakstan á Kópavogsvelli þann 10. september.
