Upp um þrjú sæti á nýjum styrkleikalista FIFA
A landslið karla fer upp um þrjú sæti á nýjum styrkleikalista FIFA, sem gefinn var út í vikunni, og situr nú í 70. sæti. Ísland hefur sveiflast nokkuð upp og niður á listanum í ár, byrjaði árið í 89.sæti, hefur lægst verið í 98. sæti og hæst í því 61.
Bandaríkin koma aftur inn á topp 20 með sigri í Gold Cup, en staða efstu 12 liðanna er hins vegar óbreytt.
Færeyingar, sem mæta Íslendingum í vináttulandsleik á Laugardalsvellinum miðvikudaginn 14. ágúst, eru í 175. sæti listans.
.jpg?proc=760)
.jpg?proc=760)
