Úrslitakeppni EM - Þrjár Norðurlandaþjóðir í undanúrslitum
Þrjár Norðurlandaþjóðir eru komnar í undanúrslit í úrslitakeppni EM kvenna sem fram fer í Svíþjóð þessa dagana. Heimastúlkur mæta Þjóðverjum í fyrri undanúrslitaleiknum sem fram fer í Gautaborg, miðvikudaginn 24. júlí. Það verða svo Noregur og Danmörk sem leika í Norköpping, fimmtudaginn 25. júlí. Úrslitaleikurinn verður svo leikinn í Stokkhólmi, sunnudaginn 28. júlí.
Íslenska liðið, sem kom heim í gær, lék gegn þremur af þessum fjórum þjóðum. Mættu ekki danska liðinu en það verður mótherji íslenska liðsins í undankeppni fyrir HM 2015. Fyrsti leikur Íslands í þeirri keppni verður gegn Sviss á Laugardalsvelli, 26. september.
