Svíar og Þjóðverjar áfram
Eins og kunnugt er tryggðu Svíar sér sæti í undanúrslitum EM með 4-0 sigri á Íslendingum í Halmstad á sunnudag. Þjóðverjar gerðu slíkt hið sama með eins marks sigri á Ítölum í Växjö og mætast Svíar og Þjóðverjar í undanúrslitum. Sigurmarkið gerði Simone Laudehr um miðjan fyrri hálfleik.
Undanúrslitaleikur gestgjafa Svía og ríkjandi Evrópumeistara Þjóðverja fer fram á miðvikudag á Gamla Ullevi í Gautaborg og telja margir að þar sé í raun úrslitaleikur mótsins, þ.e. að sigurliðið úr þeim leik verði Evrópumeistari. Enginn skyldi þó afskrifa t.a.m. Frakka, sem mæta Dönum á mánudag. Síðasti undanúrslitaleikurinn er svo milli Norðmanna og Spánverja og fer sá leikur einnig fram á mánudag.
.jpg?proc=760)
.jpg?proc=760)
