Öruggur fjögurra marka sigur U16 kvenna í Wales
U16 landslið kvenna vann í dag öruggan 4-0 sigur á Wales í sérstöku undirbúningsmóti UEFA fyrir þennan aldursflokk, en mótið fer einmitt fram í Wales.
Ísland náði forystunni í leiknum á 11. mínútu. Fyrirliðinn Ingibjörg Sigurðardóttir tók þá hornspyrnu og sendi knöttinn inn í vítateig Wales-menn, þar sem varnarmaður þeirra varð fyrir því óláni að skora sjálfsmark.
Eftir hraða sókn íslenska liðsins á 35. mínútu barst knötturinn fyrir mark Wales. Lillý Rut Hlynsdóttir skaut að marki, varnarmenn komust fyrir skotið, en Esther Rós Arnarsdóttir var vel vakandi í teignum og kom knettinum í markið. Staðan í hálfleik 0-2 fyrir Ísland.
Íslenska liðið hóf seinni hálfleikinn af miklum krafti og uppskar þriðja markið þegar 8 mínútur voru liðnar. Fyrirliðinn Ingibjörg skoraði og útlit fyrir öruggan sigur Íslands.
Það var svo Esther Rós sem innsiglaði 4-0 sigur Íslands á lokamínútu leiksins. Esther fékk frábæra sendingu fram völlinn frá Ingibjörgu fyrirliða og skoraði af miklu öryggi, en Ingibjörg átti stóran þátt í þremur af mörkum liðsins í leiknum.
Í hinum leik dagsins mættust frænkur okkar frá Færeyjum og Norður-Írar, en þar vann Norður-írska liðið örugga 7-0 sigur.
Næsti leikur íslenska liðsins er á miðvikudag kl. 16:00 að íslenskum tíma og er mótherjinn þá Norður-Írland. Á sama tíma mætast Wales og Færeyjar.
Byrjunarliðið í leiknum
.jpg?proc=760)
.jpg?proc=760)
