Slóvenar tilkynna hópinn fyrir leikinn gegn Íslendingum
Slóvenar hafa tilkynnt hópinn fyrir leikinn gegn Íslendingum í undankeppni HM sem fram fer ytra, 22. mars. Srecko Katanec hefur valið 24 leikmenn í hópinn en þetta er fyrsti mótsleikur Katanec síðan hann tók við Slóvenum að nýju um áramótin.
Af 24 leikmönnum leika fjórir í heimalandinu, allir með Maribor. Alls eru átta leikmenn hópsins sem leika á Ítalíu.
Íslenski hópurinn verður tilkynntur á blaðamannafundi, föstudaginn 15. mars kl. 13:15.
