A kvenna - Leikið við Ungverja um níunda sætið
Kvennalandsliðið leikur gegn Ungverjalandi á morgun, miðvikudaginn 13. mars, á Algarve mótinu. Leikið er um níunda sætið og hefst leikurinn kl. 12:00 að íslenskum tíma.
Ísland og Ungverjaland hafa fjórum sinnum mæst hjá A landsliðum kvenna og hefur Ísland ætíð farið með sigur af hólmi, nú síðast á Laugardalsvelli 16. júní 2012 í undankeppni EM. Fylgst verður með helstu atriðum leiksins á Facebook síðu KSÍ.
Bandaríkin og Þýskaland leika til úrslita á Algarve mótinu að þessu sinni.
