Yfirferð leyfisgagna að ljúka
Fjárhagsleg leyfisgögn hafa borist frá öllum 24 félögunum sem undirgangast leyfiskerfið fyrir keppnistímabilið 2013. Tveir endurskoðendur hafa yfirfarið gögnin ásamt leyfisstjóra síðustu daga og lýkur yfirferð þeirra í dag, föstudag. Að lokinni yfirferð verða athugasemdir sendar til félaganna, þar sem við á, og í framhaldinu unnið með félögunum að nauðsynlegum úrbótum.
Yfirferð gagna, annarra en fjárhagslegra, lauk jafnframt í vikunni og hafa athugasemdir þegar verið sendar til viðkomandi félaga.
Leyfisráð mun funda mánudaginn 11. mars. Þar gefur leyfisstjóri skýrslu um stöðu félaga, eins og kveðið er á um í vinnuferli leyfisstjórnar, og leyfisráð tekur ákvarðanir um veitingu þátttökuleyfa. Á fundinum 11. mars verða gefin út þátttökuleyfi til þeirra félaga sem þegar uppfylla öll skilyrði, en öðrum félögum gefinn frestur til að ganga frá útistandandi atriðum.
.jpg?proc=760)
