Uppfærðir dómaralistar aðildarfélaga
Skrifstofa KSÍ hefur uppfært á vef KSÍ, undir "Séraðgerðir", lista með starfandi dómurum hjá aðildarfélögum KSÍ.
Á þessum lista eru þeir dómarar sem koma fram á leikskýrslum a.m.k. einu sinni frá 1. janúar 2012.
Til að sjá listann þarf að skrá sig á innri vef KSÍ (Séraðgerðir) með lykilorði hlutaðeigandi félags og velja „Dómarar“.
Hafa ber í huga að ekki er endilega um að ræða virka dómara í skilningi reglugerðarinnar:
5.2. Virkir dómarar teljast þeir sem starfað hafa við að minnsta kosti 15 leiki á síðastliðnu ári eða við 20 leiki á síðastliðnum tveimur árum á vegum aðila innan KSÍ. Leikir í hraðmótum félaga og í innanhússmótum eru metnir sérstaklega. Aðildarfélög KSÍ skrá leiki dómara í mótum KSÍ í mótakerfi sambandsins, en dómarar skulu sjálfir halda skrá um aðra leiki sína.“
