U19 karla - Góður sigur á Dönum
Strákarnir í U19 lögðu jafnaldra sína frá Danmörku í vináttulandsleik sem leikinn var í Farum í dag. Lokatölur urðu 2 - 1 fyrir Íslendinga sem leiddu með tveimur mörkum í leikhléi.
Íslenska liðið byrjaði vel og strax á 4. mínútu var Kristján Flóki Finnbogason búinn að koma boltanum í netið og liði sínu yfir. Stefán Þór Pálsson bætti svo við öðru marki á 39. mínútu og íslenska liðið leiddi því með tveimur mörkum í leihléi.
Bæði lið fengu færi í síðari hálfleiknum en ekkert gaf eftir fyrr en á þriðju mínútu í uppbótartíma þegar heimamenn sluppu í gegn og minnkuðu muninn. Skömmu síðar var flautað til leiksloka og íslenskur sigur í höfn.
Þetta var annar vináttulandsleikur þjóðanna í Farum, á þremur dögum, í þessum aldursflokki en fyrri leiknum lauk með 1 - 1 jafntefli.
