U21 karla - Æfingar hafa gengið vel
Strákarnir í U21 eru nú staddir í Wales en framundan hjá þeim er vináttulandsleikur gegn heimamönnum sem fram fer á morgun. Leikið verður á Stebonheath vellinum og hefst leikurinn kl. 15:00 að íslenskum tíma.
Strákarnir komu til Wales í gær og tóku æfingu seinnipartinn í gær og æfðu svo einnig í morgun. Hafa æfingarnar gengið mjög vel. Æft verður líka seinni partinn í dag en ekki stendur til að æfa á keppnisvellinum þar sem hann er nokkuð blautur svo honum verður hlíft fram að leik.
Þetta er í fyrsta skiptið sem þessar þjóðir mætast í landsleik hjá U21 karla.
