U21 karla - Dregið í undankeppni EM 2013 - 2015
Á morgun, fimmtudaginn 31. janúar, verður dregið í undankeppni EM hjá U21 karla og fer drátturinn fram í höfuðstöðvum UEFA. Um er að ræða undankeppnina sem hefst á þessu ári, 2013, en úrslitakeppnin verður í Tékklandi 2015.
Ísland er í fjórða styrkleikaflokki en þjóðunum 52 er skipt niður í fimm styrkleikaflokka. Dregið verður í 10 riðla og verða átta riðlanna skipaðir fimm liðum, ein þjóð úr hverjum styrkleikaflokki, en tveir riðlar innihalda sex þjóðir þar sem tvær þjóðanna koma úr neðsta styrkleikaflokki.
Styrkleikaflokkarnir eru eftirfarandi:
Flokkur A: Spánn, England, Holland, Ítalía, Þýskaland, Sviss, Rússland, Frakkland, Svíþjóð, Ísrael
Flokkur B: Rúmenía, Serbía, Tyrkland, Úkraína, Skotland, Portúgal, Austurríki, Danmörk, Hvíta Rússland, Wales
Flokkur C: Grikkland, Slóvakía, Belgía, Ungverjaland, Armenía, Króatía, Noregur, Svartfjallaland, Finnland, Slóvenía
Flokkur D: Bosnía og Hersegóvína, Pólland, Georgía, Ísland, Moldavía, Írland, Búlgaria, Kýpur, Makedónía, Lettland
Flokkur E: Norður Írland, Albanía, Færeyjar, Litháen, Aserbaídsjan, Kasakstan, Eistland, Malta, Lúxemborg, Andorra, Liechtenstein, San Marínó
Drátturinn hefst kl. 08:00 að íslenskum tíma á morgun og verður bein útsending þaðan á heimasíðu UEFA.
