U17 kvenna - Tveir vináttulandsleikir gegn Dönum í lok janúar
Knattspyrnusambönd Íslands og Danmerkur hafa komist að samkomulagi um að U17 kvennalandslið þjóðanna leiki tvo vináttulandsleiki í lok janúar. Leikið verður hér á landi, í Kórnum sunnudaginn 27. janúar kl. 13:30 og í Akraneshöllinni, þriðjudaginn 29. janúar kl. 15:00.
Danir heimsóttu Íslendinga heim á síðasta ári einnig með U17 kvennaliðið sitt og léku þá tvo vináttulandsleiki í Egilshöll. Íslenska liðið vann fyrri leikinn, 2 - 1 en seinni leiknum lauk með markalausu jafntefli.
