Landsliðsþjálfarar kvenna funda með þjálfurum
Landsliðsþjálfarar kvenna vilja bjóða þjálfurum í Pepsi-deild kvenna, 1. deild kvenna, 2. flokk kvenna og 3. flokk kvenna til fundar föstudaginn 25. janúar í höfuðstöðvum KSÍ.
Farið verður yfir dagskrá landsliðanna á þessu ári, samstarf við félagsliðin og þjálfurum gefst tækifæri til að spyrja spurninga, koma með ábendingar og spjalla saman um málefni sem snúa að landsliðunum og/eða félagsliðunum.
Föstudagur 25. janúar:
16.00 Fundur með þjálfurum 3. og 2. flokks kvenna
18:00 Fundur með þjálfurum meistaraflokks kvenna
Öll kvennalandsliðin æfa svo á laugardeginum 26. janúar (frá 15.00-19.30 í Kórnum) og sunnudaginn 27. janúar (frá 9.00-12.00 í Kórnum og Egilshöll) og þjálfurum er velkomið að fylgjast með þeim æfingum.
Athugið!
Þjálfarar sem eru búsettir á landsbyggðinni og vilja fylgjast með fundinum í gegnum netið eru vinsamlegast beðnir að skrá sig með því að senda póst með nafni og netfangi sínu á dagur@ksi.is
Stuttu fyrir fundinn munu þessir þjálfarar fá senda vefslóð og fundarnúmer á tölvupósti þar sem þeir geta tengst fundinum og fylgst með.
