Áhorfendamet! - Kærar þakkir fyrir stuðninginn
Áhorfendamet á kvennalandsleik var sett í gærkvöldi þegar 6.647 áhorfendur mættu á Laugardalsvöllinn og studdu stelpurnar okkar til Svíþjóðar. Stemningin var frábær og átti stærri þátt í þessum sigri heldur en kannski flestir geta ímyndað sér. Gaman var einnig að sjá og heyra í Tólfunni sem er dugleg að fá fólkið með sér í hvaða stúku sem er.
Stelpurnar og Knattspyrnusambandið þakkar kærlega fyrir þennan frábæra stuðning. Stuðningurinn yljaði okkur svo sannarlega um hjartaræturnar og vonandi hefur frammistaða stelpnanna yljað ykkur þetta fallega haustkvöld í Laugardalnum.
Hér að neðan er tengill á myndasíðu KSÍ en þar er að finna fjölmargar myndir frá þessu kvöldi.
Áfram Ísland!
