Ísland mætir Albaníu í dag í Tirana
Íslendingar sækja Albani heim í dag og fer leikurinn fram á Qemal Stafa leikvanginum í Tirana. Leikurinn er í undankeppni HM og verður í beinni útsendingu á RÚV og hefst útsending þar kl. 16:50.
Þetta er þriðji leikur Íslands í undankeppninni en liðið hefur þrjú stig, eftir sigurleik gegn Noregi á Laugardalsvelli en tap gegn Kýpur á útivelli.
Liðið kemur svo heim á morgun en framundan er leikur gegn Sviss á Laugardalsvelli, þriðjudaginn 16. október kl. 18:30. Miðasala á þann leik er í fullum gangi á http://www.midi.is/.
