U17 karla - Sigur á Möltu í síðasta leik undankeppni EM
Strákarnir í U17 unnu sinn síðasta leik í undankeppni EM en riðillinn var leikinn á Möltu. Heimamenn voru lagðir í síðasta leiknum, 2 - 0, og komu bæði mörkin í fyrri hálfleik. Kristinn Skæringur Sigurjónsson kom Íslendingum yfir á 12. mínútu og Eggert Georg Tómasson bætti við marki úr vítaspyrnu á 29. mínútu.
Íslenska liðið hafnaði í þriðja sæti riðilsins en tvær efstu þjóðirnar komast áfram í milliriðla. Tvær þjóðir, með bestan árangur í þriðja sæti í riðlunum þrettán, komast einnig áfram. Norðmenn urðu efstir í riðlinum og Portúgalir komu svo í öðru sæti.
