Frábær stuðningur - Takk fyrir okkur
Það er gömul saga og ný að tala um að stuðningur áhorfenda geti skipt sköpum á knattspyrnuvellinum. Allir þeir sem staddir voru á Laugardalsvelli í gækvöldi geta samt vitnað um hversu miklu máli slíkur stuðningur getur skipt.
Strákarnir í landsliðinu og Knattspyrnusamband Íslands þakka áhorfendum kærlega fyrir frábæran stuðning í gærkvöldi. Ykkar hlutur í þessum sigri er stærri en þið getið líklega ímyndað ykkur. Sérstakar þakkir fær stuðningssveitin Tólfan fyrir frábæra skemmtun og jákvæða strauma. Allir Íslendingar eru í landsliðinu og allir geta verið í Tólfunni.
Minnum svo á að stelpurnar okkar eru að spila við Norður Íra, næstkomandi laugardag, 15. september, á Laugardalsvelli.
Áfram Ísland!
