U19 karla - Tveir vináttulandsleikir gegn Eistlandi
Framundan eru tveir vináttulandsleikir hjá U19 karla gegn jafnöldrum þeirra frá Eistlandi. Fyrri leikurinn er á morgun, föstudaginn 7. september, á Víkingsvelli og hefst kl. 15:00. Sá síðari er sunnudaginn 9. september en þá verður leikið á Grindavíkurvelli.
Í leikmannahóp íslenska liðsins eru 23 leikmenn og koma þeir frá 19 félögum, þar af eru 7 leikmenn á mála hjá erlendum félagsliðum.
Við hvetjum knattspyrnuáhugafólkt til þess að flykkjast á völlinn og hvetja strákana. Fyrir þá sem ekki eiga heimangengt er vert að taka fram að báðir leikirnir verða sýndir í beinni útsendingu á http://www.sporttv.is/.
