Kristinn dæmir í Svartfjallalandi
Kristinn Jakobsson mun dæma leik Svartfjallalands og Póllands í undankeppni HM 2014 en leikið verður í Podgorica í Svartfjallalandi á föstudaginn. Kristni til aðstoðar verða þeir Sigurður Óli Þorleifsson og Jóhann Gunnar Guðmundsson og fjórði dómari er Þóroddur Hjaltalín.
Leikurinn er í H riðli undankeppninnar en aðrar þjóðir í þessum riðli eru: England, Moldavía, San Marínó og Úkraína.
Kristinn er þessa dagana staddur í höfuðstöðvum UEFA í Nyon þar sem hann tekur þátt í undirbúningsráðstefnu fremstu dómara í Evrópu. Þangað eru þeir dómarar boðaðir sem dæma eiga í riðlakeppni Meistara- og Evrópudeildar UEFA. Kristinn er þarna enn einu sinni í hópi dómara í fremstu röð í Evrópu sem er mikil viðurkenning fyrir störf hans og íslenskra dómara.
Hér að neðan má finna ýmsar upplýsingar um leikinn í Svartfjallalandi.
