Að hitta þverslána eða ekki - það er spurningin
Í hálfleik á viðureign Íslands og Noregs í undankeppni HM 2014, sem fram fer á föstudag, munu þrír heppnir vallargestir Laugardalsvallar fá tækifæri til að spreyta sig í erfiðri þraut.
Þrautin felst í því að spyrna knetti frá vítateigsboganum með það fyrir augum að hitta þverslána. Hver og einn af þessum þremur fær aðeins eina tilraun, og vinningurinn ef það tekst er af glæsilegri tegundinni - ferð fyrir tvo til Bandaríkjanna með Icelandair!
Þessir þrír aðilar verða dregnir út af handahófi í gegnum miðasölukerfi Miða.is. Haft verður samband við þá á fimmtudag.
Aðeins er dregið úr seldum miðum, þannig að þeir sem fá miða eftir öðrum leiðum (heiðursstúka, fjölmiðlar, samstarfsaðilar KSÍ), eru ekki í pottinum.
Á síðastliðnum árum hafa menn reglulega hitt slána og fengið ferðavinning. Ertu búin að kaupa miða á leikinn? Þá ertu í pottinum ...
