mið. 22. ágú. 2012
Fræðsla

A-landsliðsþjálfari danska kvennalandsliðsins til Íslands

Kenneth Heiner Möller A-landsliðsþjálfari kvenna hjá Danmörku kemur til Íslands á laugardaginn og heldur fyrirlestur á vegum KSÍ og KÞÍ um „possession“ fótbolta. Kenneth hefur lokið við Pro licence þjálfaranám frá danska knattspyrnusambandinu og hefur stýrt danska kvennalandsliðinu síðan árið 2006 með frábærum árangri. Danir eru í 12. sæti heimslista FIFA og í 6. sæti allra þjóða í Evrópu.

Danska landsliðið hefur vakið athygli fyrir leikstíl sinn og hversu gott liðið er að halda boltanum innan liðsins. Kenneth mun m.a. fjalla um í fyrirlestri sínum hvernig hugmyndafræði danska knattspyrnusambandsins og hans er um „possession“ fótbolta og hvernig þeir hafa reynt að innleiða þá hugmyndafræði inn í félögin í Danmörku.

Það er ástæða til að hvetja íslenska þjálfara til að fjölmenna á fyrirlesturinn þar sem oft hefur verið rætt um að íslenskir leikmenn þurfi að verða betri í að halda boltanum innan liðsins.

Hér að neðan má sjá allar helstu upplýsingar um ráðstefnuna:

Bikarúrslitaráðstefna KSÍ og KÞÍ í tengslum við Borgunar bikarúrslitaleik kvenna

A-landsliðsþjálfari Dana, Kenneth Heiner-Möller, heldur fyrirlestur um hugmyndir danska landsliðsins um „Possession-fótbolta“

KÞÍ og KSÍ standa fyrir árlegri ráðstefnu í tilefni úrslitaleiks í Borgunarbikarkeppni kvenna laugardaginn 25. ágúst. Úrslitaleikurinn, sem er milli Vals og Stjörnunnar, fer vitanlega fram á Laugardalsvelli og verður ráðstefnan haldin í höfuðstöðvum KSÍ.

Dagskrá

11:00 Sigurður Þórir Þorsteinsson formaður KÞÍ setur ráðstefnuna
11:10 Kenneth Heiner-Möller þjálfari danska A-landsliðs kvenna „My definition of possession football“
12:00 Léttar veitingar
12:30 Kenneth Heiner-Möller framhald
13:00 Þorlákur Árnason þjálfari Stjörnunnar kemur og ræðir um bikarúrslitaleikinn.
13:20 Gunnar Borgþórsson þjálfari Vals kemur og ræðir um bikarúrslitaleikinn.
13.40 Sigurður Ragnar Eyjólfsson þjálfari A-landsliðs kvenna fjallar um liðin sem leika til úrslita og spáir í leik dagsins.
16:00 Úrslitaleikur Borgunarbikars kvenna Stjarnan - Valur.