Kvennalandsliðið í 16. sæti á styrkleikalista FIFA
A landslið kvenna fer upp um eitt sæti á nýjum styrkleikalista FIFA sem kom út í dag og er Ísland nú í 16. sæti listans. Ísland er í 9. sæti á meðal Evrópuþjóða. Hæsta staða Íslands frá upphafi á heimslistanum er 15. sæti, en aðeins munar einu stigi á Íslandi og Suður-Kóreu sem situr í 15. sæti listans.
Næsti landsleikur A-landsliðs kvenna fer fram 15. september á Laugardalsvelli en takist stelpunum að sigra í þeim leik eru þær öruggar í umspil fyrir lokakeppni EM 2013.
