U17 karla leikur um 7. - 8. sætið á Opna NM
U17 landslið karla tapaði á fimmtudag lokaleik sínum í riðlakeppni Opna Norðurlandamótsins, sem fram fer í Færeyjum. Mótherjarnir voru Danir, sem unnu 2-0 sigur með mörkum á 8. og 39. mínútu, leiddu þannig í hálfleik og héldu stöðunni í seinni hálfleik. Svíar höfnuðu í efsta sæti riðilsins og mæta Englendingum í úrslitaleik um sigur í mótinu. Ísland leikur hins vegar við Færeyjar um 7.-8. sætið í mótinu og fer leikurinn fram kl. 11:00 að íslenskum tíma á laugardag.
