A landslið karla - Hópurinn gegn Færeyingum tilkynntur
Lars Lagerbäck, landsliðsþjálfari, hefur valið hópinn er mætir Færeyingum í vináttulandsleik á Laugardalsvelli, miðvikudaginn 15. ágúst kl. 19:45. Þetta er lokahnykkurinn í undirbúningi íslenska liðsins fyrir undankeppni HM 2014 þar sem Norðmenn verða fyrstu mótherjarnir þann 7. september á Laugardalsvelli.
Einn nýliði er í hópnum að þessu sinni, Ingvar Jónsson, markvörður úr Stjörnunni en 22 leikmenn eru valdir í hópinn fyrir þetta verkefni.
Íslendingar hafa jafnan haft betur gegn þessum frændum okkar en einu sinni hafa Færeyingar haft betur í 23 leikjum og einu sinni hafa leikar farið jafnir. Færeyingar hafa hinsvegar verið í mikilli sókn undanfarin ár á knattspyrnuvellinum og síðustu leikir á milli þessara þjóða hafa verið jafnir og spennandi.
Það er því mikilvægt fyrir íslenska liðið að fá góðan stuðning í þessum leik sem einnig er fyrsti heimaleikurinn undir stjórn Lars Lagerbäck landsliðsþjálfara.
Miðasala á leikinn er hafin og er miðaverði stillt í hóf.
Verð (í forsölu til og með 14. ágúst):
Rautt Svæði, 2.500 kr (2.000 í forsölu)
Blátt Svæði, 2.000 kr (1.500 í forsölu)
Grænt Svæði, 1.500 kr (1.000 í forsölu)
ATH 50% afsláttur er fyrir börn, 16 ára og yngri. (afsláttur reiknaður frá fullu verði)
