Enski dómarinn Andy Davies starfar á þremur leikjum
Enski dómarinn Andy Davies mun á næstu dögum starfa á þremur leikjum í íslensku deildar keppninni. Hann mun dæma leik Víkings Ólafsvíkur og KA í kvöld, föstudaginn 13. júlí, og sömuleiðis dæmir hann leik Fjölnis og Hauka sem fer fram 17. júlí. Báðir þessir leikir eru í 1. deild karla og einnig verður hann aðstoðardómari á leik ÍBV og Fram í Pepsi-deild karla, sunnudaginn 15. júlí.
Þessi verkefni eru liður í samstarfsverkefni á milli Knattspyrnusambanda Íslands og Englands.
Andy Davies hefur verið að dæma í neðri deildum í Englandi en mun dæma í hinni stórskemmtilegu Championship deild á næsta keppnistímabili sem er næst efsta deild þar í landi.
