Karlalandsliðið upp um tvö sæti á FIFA-listanum
A landslið karla er í 129. sæti á nýútgefnum styrkleikalista FIFA og hækkar um tvö sæti frá því í síðasta mánuði. Evrópuþjóðir eru áberandi í efstu sætum listans og eru 8 af 10 efstu þjóðunum aðilar að UEFA, hinar tvær þjóðirnar eru Suður-amerískar. Nýkrýndir heimsmeistarar Spánverja tróna á toppnum. Ef einungis UEFA-þjóðir eru teknar með í reikninginn er Ísland í 46. sæti af 53 þjóðum.
Næstu mótherjar Íslendinga eru Færeyingar, sem eru í 51. sæti af Evrópuþjóðunum, en þessi lið mætast í vináttulandsleik á Laugardalsvelli í ágúst.
Staða þeirra þjóða sem eru með Íslandi í riðli í undankeppni HM 2014 er þannig:
- Sviss – 14. sæti í Evrópu
- Noregur – 15. sæti í Evrópu
- Slóvenía – 20. sæti í Evrópu
- Albanía – 35. sæti í Evrópu
- Kýpur – 45. sæti í Evrópu
