Þóroddur Hjaltalín dæmir í Evrópudeildinni
UEFA hefur tilnefnt Þórodd Hjaltalín sem dómara á viðureign welska liðsins Llanelli AFC og KuPS Kuopio frá Finnlandi. Leikurinn, sem fram fer í Llanelli í Wales, er í forkeppni Evrópudeildar UEFA og fer fram 12. júli næstkomandi. Um er að ræða seinni viðureign þessara liða, sem leika fyrri leikinn í Finnlandi 5. júlí.
Dómarakvartettinn kemur að sjálfsögðu allur frá Íslandi. Aðstoðardómarar verða þeir Sigurður Óli Þórleifsson og Áskell Þór Gíslason, og fjórði dómari verður Magnús Þórisson.
Þóroddur Hjaltalín hefur verið FIFA-dómari síðan 2010.
