A kvenna - Hópurinn fyrir leiki gegn Ungverjum og Búlgörum valinn
Sigurður Ragnar Eyjólfsson, landsliðsþjálfari, hefur valið 22 leikmenn í landsliðshóp sinn er mætir Ungverjum og Búlgörum síðar í þessum mánuði. Leikið verður við Ungverja á Laugardalsvelli, laugardaginn 16. júní en við Búlgari í Lovech, fimmtudaginn 21. júní.
Þrír nýliðar eru í þessum hópi, Soffía Arnþrúður Gunnarsdóttir úr Stjörnunni, Elín Metta Jensen úr Val og Katrín Ásbjörnsdóttir úr Þór/KA.
Baráttan er gríðarlega hörð í riðlinum en íslenska liðið er sem stendur í öðru sæti á eftir Belgum. Íslenska liðið hefur hinsvegar tapað fæstum stigum allra í riðlinum. Ungverjar eru í næstneðsta sæti riðilsins með 7 stig en íslenska liðið vann nauman sigur í fyrri leik þjóðanna í Ungverjalandi, 0 -1. Búlgarir eru hinsvegar í neðsta sæti riðilsins, eru án stiga en stelpurnar lögðu þær hér á Laugardalsvelli í maí á síðasta ári, 6 - 0.
