U17 karla - Byrjunarliðið gegn Georgíu
Strákarnir í U17 leika í dag lokaleik sinn í riðlakeppni úrslitakeppni EM sem fram fer í Slóveníu. Leikið verður gegn Georgíu og með sigri á íslenska liðið möguleika á sæti í undanúrslitum. Gunnar Guðmundsson, landsliðsþjálfari U17 karla, hefur tilkynnt byrjunarliðið fyrir leikinn.
Markvörður: Rúnar Alex Rúnarsson
Hægri bakvörður: Adam Örn Arnarsson
Vinstri bakvörður: Ósvald Jarl Traustason
Miðverðir: Hjörtur Hermannsson, fyrirliði og Orri Sigurður Ómarsson
Tengiliðir: Sindri Björnsson og Emil Ásmundsson
Hægri kantur: Ævar Ingi Jóhannesson
Vinstri kantur: Páll Olgeir Þorsteinsson
Sóknartengiliður: Oliver Sigurjónsson
Framherji: Kristján Flóki Finnbogason
Bæði liðin eiga möguleika á sæti í undanúrslitum með sigri en þurfa þá að treysta á að Frakkar vinni ekki Þjóðverja. Það er því mikið undir í báðum leikjum riðilsins sem hefjast kl. 17:30 að íslenskum tíma. Hægt er að fylgjast með textalýsingu af leiknum á heimasíðu UEFA
