U17 karla - Byrjunarliðið gegn Þjóðverjum
Strákarnir í U17 leika annan leik sinn í úrslitakeppni EM í dag þegar þeir mæta Þjóðverjum í Slóveníu. Leikurinn hefst kl. 16:30 að íslenskum tíma og er leikurinn sýndur í beinni útsendingu á Eurosport en margir Íslendingar hafa aðgang að þeirri stöð. Einnig er hægt að fylgjast með textalýsingu frá leiknum á heimasíðu UEFA.
Gunnar Guðmundsson, landsliðsþjálfari U17 karla, hefur tilkynnt byrjunarliðið í dag og gerir hann eina breytingu frá liðinu sem gerði jafntefli 2 - 2 við Frakka.
Markvörður: Fannar Hafsteinsson
Hægri bakvörður: Adam Örn Arnarsson
Vinstri bakvörður: Ósvald Jarl Traustason
Miðverðir: Hjörtur Hermannsson, fyrirliði og Orri Sigurður Ómarsson
Tengiliðir: Oliver Sigurjónsson og Emil Ásmundsson
Hægri kantur: Daði Bergsson
Vinstri kantur: Ævar Ingi Jóhannesson
Sóknartengiliður: Gunnlaugur Birgisson
Framherji: Kristján Flóki Finnbogason
Þjóðverjar eru efstir í riðlinum eftir sigur á Georgíu í fyrsta leik en Ísland og Frakkar eru með eitt stig. Efstu tvær þjóðirnar í riðlinum komast í undanúrslit en lokaleikirnir í riðlinum fara fram fimmtudaginn 10. maí.
