Fundur með fjölmiðlafulltrúum félaga í Pepsi-deild
Fjölmiðlafulltrúar félaga í Pepsi-deild karla 2012 voru boðaðir til fundar í höfuðstöðvum KSÍ á miðvikudag. Þessi fundur var liður í því að aðstoða félögin sem undirgangast leyfiskerfið og tryggja að þau uppfylli skilyrði um hæfni starfsmanna sem bera ábyrgð á þjónustu við fjölmiðla og málum tengdum þeim.
Starf fjölmiðlafulltrúa á leikjum í Pepsi-deildinni verður sífellt mikilvægara með auknum fjölda miðla sem fjalla um deildina. Því er afar mikilvægt að fjölmiðlafulltrúarnir séu vel undirbúnir undir þetta krefjandi starf og séu í stakk búnir til að takast á við verkefnið.
Á fundinum var farið var yfir öll helstu mál í leyfisreglugerð og Handbók leikja tengd fjölmiðlum, farið yfir hagnýt atriði, staðsetningar og tímasetningar og annað sem skiptir máli tengt þjónustu við fjölmiðla og aðstöðu þeirra á leikvöngunum.
Neðangreindir fjölmiðlafulltrúar mættu á fundinn, auk framkvæmdastjóra FH og Stjörnunnar.
| Félag | Fjölmiðlafulltrúi |
| FH | Axel Guðmundsson |
| Fram | Þórður Kristleifsson |
| Fylkir | Kristján Gylfi Guðmundsson |
| ÍA | Hróðmar Halldórsson |
| ÍBV | Ólafur Björgvin Jóhannesson |
Rétt er að fram komi að fjölmiðlafulltrúar annarra félaga í Pepsi-deild karla uppfylla nú þegar þær kröfur sem til þeirra eru gerðar í leyfisreglugerð KSÍ. Engu að síður verða þeir upplýstir um allt það sem fram fór á fundinum, áherslur og breytingar milli ára.
.jpg?proc=760)
