Vináttulandsleikir gegn Skotum hjá A og U23 kvenna
Knattspyrnusambönd Íslands og Skotlands hafa komist að samkomulagi um vináttulandsleiki á milli þjóðanna hjá A landsliði kvenna og U23 kvenna. Leikirnir fara fram í Skotlandi 4. og 5. ágúst næstkomandi.
Báðir hóparnir halda utan fimmtudaginn 2. ágúst en leikur A landsliðanna fer fram 4. ágúst en U23 liðin leika daginn eftir, sunnudaginn 5. ágúst. Leikstaðir hafa ekki verið staðfestir en líklegast er að leikirnir fari fram í Glasgow eða Edinborg.
Stefnt er að því að Skotar endurgjaldi heimsóknina með A landsliði sínum sumarið 2013 og leiki þá hér á landi.
