Samstarfssamningur við Icelandair framlengdur
Á miðvikudag undirritaði formaður KSÍ, Geir Þorsteinsson, framlengingu á samstarfssamningi KSÍ við Icelandair, og gildir samningurinn því út árið 2014, en fyrri samningur gilti út árið 2013.
Samningurinn felur í sér víðtækt samstarf sem felst m.a. í því að öll knattspyrnulandslið Íslands ferðast með Icelandair, sem er jafnframt einn af lykilsamstarfsaðilum KSÍ, Alltaf í boltanum með KSÍ.
Við sama tækifæri undirritaði Icelandair samstarfssamninga við ÍSÍ, HSÍ, KKÍ og GSÍ.
