U17 karla - Dregið í riðla úrslitakeppninnar á miðvikudaginn
Miðvikudaginn 4. apríl verður dregið í riðla í úrslitakeppni EM U17 karla en dregið verður í Slóveníu þar sem keppnin fer fram. Í dag varð ljóst hvaða þjóðir munu verða í hattinum en eins og kunnugt hefur íslenska liðið tryggt sér þátttökurétt í keppninni.
Ásamt Íslandi og heimamönnum í Slóveníu verða í hattinum: Holland, Þýskaland, Frakkland, Pólland og Belgía. Áttunda og síðasta þjóðin sem tryggði sér sæti í úrslitakeppninni í dag er svo Georgía. Kom sigur þeirra í riðlinum nokkuð á óvart en þeir léku gegn Úkraínu, Englandi og Spáni.
Heimamenn í Slóveníu munu leika í B riðli en aðrar þjóðir fara í hattinn og eru engin önnur skilyrði við dráttinn.
