U21 karla - Vel fer um hópinn í Bakú
Strákarnir í U21 karla eru staddir í Bakú í Aserbaídsjan þar sem liðið leikur gegn heimamönnum í undankeppni EM á morgun. Liðið æfði tvisvar í gær og einu sinni í dag og hafa tvær æfinganna farið fram á keppnisvellinum sjálfum. Aðstæður eru góðar á leikstað og fer vel um hópinn í Bakú. Hitastigið er á íslenskum nótum, 5 - 7 stiga hiti.
Breytingar urðu á hópnum á síðustu stundu en Atli Sigurjónsson úr KR er kominn inn í hópinn. Tveir leikmenn þurftu að draga sig út úr hópnum vegna meiðsla, Björn Bergmann Sigurðarson og Kristinn Steindórsson.
Leikurinn á morgun hefst kl. 14:00 að íslenskum tíma en fylgst verður með gangi mála á Facebooksíðu KSÍ.
