Guðrún Fema, Rúna og Birna dæma á La Manga
Dómararnir Guðrún Fema Ólafsdóttir, Rúna Stefánsdóttir og Birna Bergstað Þórmundsdóttir eru þessa dagana á La Manga á Spáni þar sem þær dæma á æfingamóti U23 kvenna. Norska knattspyrnusambandið sér um skipulagningu þessa móts og bauð okkar bestu kvendómurum til starfa á mótinu.
Þær dæmdu á sunnudaginn leik Noregs og Englands og í dag, þriðjudag, munu þær dæma leik Svía og Norðmanna. Fimmtudaginn 1. mars dæma þær svo leik Noregs og Bandaríkjanna.
Guðrún Fema dæmir þessa leiki og þær Rúna og Birna eru aðstoðardómarar.
