Góðar aðstæður á Algarve - Ýmsar upplýsingar um mótið
Stelpurnar í A landslið kvenna leika sinn fyrsta leik á morgun, miðvikudag, við Þjóðverja en þá hefst hið sterka Algarve mót. Leikurinn hefst kl. 14:00 að íslenskum tíma og verður fylgst með leiknum á Facebook síðu KSÍ.
Liðið æfði í dag og eru aðstæður hinar ákjósanlegustu, um 15 - 16 stiga hiti og milt veður í alla staði. Aðrar þjóðir í riðli Íslendinga eru Kína og Svíþjóð en í B riðlinum eru: Bandaríkin, Noregur, Danmörk og heimsmeistarar Japans. Í C riðli leika svo: Portúgal, Wales, Ungverjaland og Írland.
Hér að neðan má finna ýmsar tölfræðiupplýsingar um mótið.
