Leikur Japans og Íslands sýndur á Stöð 2 Sport
Vináttulandsleikur Japans og Íslands verður sýndur í beinni útsendingu á Stöð 2 Sport á morgun, föstudaginn 24. febrúar. Leikurinn hefst kl. 10:20 að íslenskum tíma en útsendingin hefst 10 mínútum fyrr.
Mikill áhugi er fyrir leiknum ytra og er uppselt á Nagai leikvanginn í Osaka en þessi völlur tekur um 50.000 manns. Leikið var m.a. á þessum velli á HM 2002 en þrír af leikjum keppninnar fór þar fram. Þessar þjóðir hafa mæst tvisvar áður og hafa Japanir farið með sigur af hólmi í bæði skiptin. Fyrst árið 1971 þegar þjóðirnar léku á Laugardalsvelli, 0 – 2 og seinna árið 2004 þegar þjóðirnar léku í Manchester, 2 – 3.
Þetta er fyrsti leikur Íslands undir stjórn Lars Lagerbäck og Heimis Hallgrímssonar, aðstoðarþjálfara. Næsta verkefni er svo skammt undan, vináttulandsleikur gegn Svartfjallalandi, ytra, 29. febrúar.
Sá fágæti miðvikudagur verður annasamur í meira lagi hjá íslensku knattspyrnufólki því þrjú landslið Íslands verða þá í eldlínunni. Karlalandsliðið leikur í Svartfjallalandi, kvennalandsliðið leikur gegn Þjóðverjum á Algarve og U21 karla leikur í undakeppni EM gegn Aserbaídsjan í Bakú.
