Lars Lagerbäck fundaði með þjálfurum
Landsliðsþjálfari karla í knattspyrnu, Lars Lagerbäck, fundaði í gær með þjálfurum og aðstoðarþjálfurum í efstu tveimur deildum karla í knattspyrnu. Fundurinn var mjög vel sóttur en á honum fór Lars yfir sitt starf og sínar áherslur varðandi þjálfun landsliðsins.
Tæplega 30 manna hópur mun vera við æfingar næstu þrjá daga en þessi hópur samanstendur af leikmönnum sem leika hér á landi og á Norðurlöndunum. Á laugardaginn verður svo leikinn æfingaleikur innan hópsins sem fram fer í Kórnum, kl. 15:15. Allir eru velkomnir á þann leik.
Fyrstu leikir Lars sem landsliðsþjálfara verða í febrúar, leikið verður við Japan 24. febrúar og við Svartfjallaland 29. febrúar. Báðir þessi leikir fara fram ytra.
.jpg?proc=760){kind=logo}
