Unglingadómaranámskeið á Höfn Hornafirði - Fer fram 11. janúar
Námskeiðið er haldið af KSÍ í samvinnu við Sindra í Nýheimum miðvikudaginn 11. janúar og hefst kl. 19:00. Námskeiðið stendur í um tvær og hálfa klukkustund.
Á námskeiðinu er lögð aðaláhersla á knattspyrnulögin en auk þess verður einnig farið yfir ýmis konar kynningarefni, fræðsluefni, skýringar og skýringarmyndir. Námskeiðinu lýkur með skriflegu prófi viku síðar.
Námskeiðið er ókeypis.
Sá sem lýkur unglingadómaraprófi hefur rétt á að dæma í 4. flokki og neðar ásamt því að vera aðstoðardómari upp í 2. flokk.
Skráning er hafin á magnus@ksi.is
